Google ADS

Kina i bën thirrje Koresë Jugore ‘të heq pengesat’ në marrëdhëniet dypalëshe

21:57 | 19 Maj 2017
Trina Galanxhi

Ministri i Jashtëm i Kinës i ka bërë thirrje Koresë së Jugut që të zgjidhë çështjet që pengojnë marrëdhëniet midis dy vendeve, të cilat tani janë “në udhëkryq”.

Lidhjet u përkeqësuan pas vendosjes së sistemit raketor amerikan THAAD në Korenë e Jugut, transmeton portali arbresh.info

Deklarata e Ministrit të Jashtëm Wang Yi erdhi gjatë vizitës së vazhdueshme të të dërguarit të posaçëm të presidentit të Koresë së Jugut, Lee Hae-chan, në Kinë. Ky është udhëtimi i parë nga një zyrtar i Koresë së Jugut në Pekin që kur Koreja Jugore zgjodhi presidentin e ri.

“Ne shpresojmë që qeveria e re (Koresë Jugore) të korrigjojë problemet që kemi hasur dhe të marrë masa dhe qëndrime efektive sa më shpejt për të hequr pengesat që janë vendosur në rrugën drejt marrëdhënieve të mira midis dy vendeve tona”, citohet të ketë thënë Wang Yi./Arbresh.info

Shpërndaje në rrjete sociale

Lajmet më të lexuara

Të ngjashme

Foto lajm